CARITA PONDOK (CARPON)

“Kisah Insan Jeung Naumi”

Dihiji waktu aya hiji budak anu dipaksa ku indung bapana sangkan sakola na kudu dituluykeun ka sakola musik “SMK SCHOOL MUSIC INTERNATIONAL” di Bandung , sakola eta teh nyaeta sakola elit anu kasohor murid-muridna teh gaul, pinter, beunghar tur gareulis jeung karasep. Budak anu dipaksa ku indung jeung bapana teh ngaranna Naumi. Naumi dipaksa ku kolot na asup ka sakola eta teh sangkan bisa nyalurkeun bakatna tina bidang suara (Nyanyi).
Pendaftaran ka sakola eta geus dibuka, Naumi ngilu testing ku nganyanyikeun hiji lagu anu keur ngetren-ngetren na . Sababaraha poe geus testing Naumi menang surat ti skola eta yen Naumi teh ditarima di eta sakola. Indung jeung bapana mah aratoh pisan ningali si Naumi ditarima di eta sakola tapi si Naumi na mah biasa wae.

Mimiti asup ka eta sakola Naumi kudu ngiluan heula MOS ( Masa Orientasi Siswa ). Pas asup ka eta sakola, karek ge nepi ka gerbang, Naumi olohok ningali budak kelas XI jeung kelas XII. Meni garaul, alelit, baleunghar, palinter, tapi loba oge anu sombong jeung judes. “Ieu yeuh alesan embung ka sakola ieu teh ! ih kakak kelas na ge jarudes jeung sarombong “, ceuk si Naumi.

Terus asup we ka jero eta sakola, kabeh siswa anyar dikumpulkeun di lapngan eta sakola. Siswa anyar nu asup ka eta sakola di bere pangarahan keur acara MOS nu rek di laksanakeun. Di poe kahiji para pangurus OSIS disakola eta ngenalkeun dirina masing-masing di hareupeun Siswa anyar.

Saenggeus kabeh ngenalkeun diri aya opat murid nu acan ngenalkeun diri, diantarana :

Ketua OSIS ngaranna ‘Agga Putra Pratama’ nyaeta siswa anu ramah, kasep, pinter, berbakat, jeung beunghar.

“Hai Guys, tepang keun nami abdi Agga Putra Pratama salaku ketua OSIS di SMK ieu J ”.

Wakil ketua OSIS ngaranna ‘Aqil Al-faris’, nyaeta cuek, playboy, beunghar, pinter jeung bageur tapi bageurna ngan ka awewe hungkul.“Hai abdi Aqil Al-faris Wakil ketua OSIS, sebut we faris J”.

Ketua Murid lalaki ngaranna ‘M. Insan Dwiguna’ nyaeta pang kece tur kasep na di SMK SCHOOL MUSIC INTERNATIONAL, gaul, beunghar, populer, cerdas tapi Jutek. “Hai perkenalkan nama saya M. Insan Dwiguna, panggil saja Insan ”.

Paneri Ketua Awewe ngenalkeun dirina
Ketua awewe ngaranna ‘Keyla Anatasya’, nyaeta Pinter, geulis, sombong, jutek, jeung embung aya nu nyaingan. “Abdi Keyla Anatasya, ketua murid awewe”.

Pas acara pangenalan geus beres, sadaya siswa ditugas keun mawa persyaratan MOS keur isukan. Pas Naumi keur ngadagoan bapana ngajemput, pek teh aya si ketua murid lalaki M. Insan Dwiguna anu sok disebut Insan-Insan tea ngaliwat ka hareupeun Naumi sabari nempokeun si Naumi. Pas Naumi seuri ka eta kakak kelas na ( Insan ), kalakah di Cuekkeun. “ih, Dasar bisa-bisa na aya jelema nu kitu ditarima disakola ieu” si Naumi ngomong sorangan. Datang weh bapana ngajemput si Naumi digerbang, Naumi nyampeurkeun langsung asup ka mobil na tuluy balik ka imahna.

Saenggeus balik sakola, Naumi istirahat sakeudeung tuluy nyiapkeun persyaratan keur MOS isukan, Naumi nyieun papan nama nu diaranan “Ayam Petok-Petok”.

Kaisukanna, isuk-isuk Naumi geus bete kusabab Naumi kabeurangan. Jam 06.00 WIB karek mandi sakuduna geus aya disakola jam genep leuwih saparapat (06.15 WIB). Seenggeus mandi, Naumi terus siap-siap langsung make papan nama “Ayam Petok-Petok”,di bengkeut opat,make kantong karung,rokna hideng,baju bodas jeung kaos kakina merah putih. Percis siga nu gelo.

Pas geus nepi di sakola, di gerbang geus aya si Insan jeung si Keyla. “Aduh gawat kaberangan! Aya raja singa jeung ratu vampir”, si Naumi ngutruk sorangan bari jeung lulumpatan. “Jam sabaraha ieu?” Insan nanya ka Naumi. “Jam 07.45”, si Naumi ngajawab. “Ari kamari dititah jam sabaraha kumpulna?” ceuk si Insan teh, “jam 06.15 a”. Si Keyla nimbrung ngiluan nyarekan si Naumi “Naha make karek datang atuh?”. “Kasiangan teh” , “naha bisa?” ceuk si Keyla teh. “Tadi..tadi teh gugahna ka...”, omongan si Naumi di potong ku Insan “karek ge asup sakola geus teu disiplin, ayeuna jalan bebek ka lapang” bari nyentak. Naumi ge jalan bebek ka lapang.

Pas geus saminggu di MOS na beres, tinggal belajar biasa . Poe ka hiji sakola si Naumi geus kaberangan deui. “Kabeurangan deui ayam petok-petok ?!”, ceuk Insan teh . Naumi ngajawab “Punten a, da abdi mah sanes ayam petok-petok ! Nami abdi mah Naumi a ...”. “Terus Masalah ?!”, tanya Insan deui. Naumi ge langsung cicing teu ngajawab deui. Insan nulis katerangan kabeuranngan, kertas anu ditulisan eta ditempelkeun dina tarang na si Naumi jeng si Insanna sabari ngaleos. Naumi olohok sabari ngomong “ Dasar raja Singa !!!”. Tuluy aya hiji murid di eta sakola ngomong ka Naumi sabari ngaleos “ Untung keneh ku si Insan, coba mun ku si Keyla mah leuwih parah”. Naumi ngan ngalieuk hungkul bari jeung bingung, eta jelema ngomong bari jeung ngaleos teu kenal-kenal acan, Naumi langsung indit ka kelas na.

Hening, tenang, suasana di kelas XI-B, nyaeta kelas na si Insan. Naumi ngaliwat ka eta kelas, pas keur lempang Naumi ningali dinu kaca jeng ngadangu sora anu alus pisan. Pek teh pas ditingali, eta sora anu alus pisan teh nyaeta sorana si Insan keur duet jeung si Agga. Naumi ge olohok bari jeung nanya ka sorangan “ Hah? Eta teu salah sora nu alus pisan teh sora na si Raja Singa ?! leheung si aa Agga sora alus bari jeung bageur ”. Ngadangu sora na Agga eta si Naumi jdi resepeun ka ketua OSIS eta.

“Teng .... teng... teng.....” sora bel istirahat disada, Naumi jeung babaturanna ka kantin sakola. Pas di kantin, Naumi ningali Agga meuni teu ngiceup-ngiceup. Naumi lempang sabari ngalamun nempokeun Agga, brak teh, si Naumi nabrak si Insan anu keur mawa mie jeung nginumna. Kusabab katabrak eta mie jeung nginumna bahe ngabanjur bajuna si Insan, ku kituna si Naumi reuwas, langsung menta hampura ka Insan “ punten a punten teu sangaja “ ceuk Naumi ka Insan. Tpi si Insan ngan nempokeun Naumi langsung ngaleos bari jeung teu ngomong nanaon. “Yeh, pan geus menta maaf, tapi anggeur we dianteupkeun, masalah anyar deui ! “, ceuk Naumi ngomong sorangan.

Saenggeus istirahat beres, Naumi langsung ka kelas na bereng jeung babaturanna. Geus babaraha jam kehareup bel balik ge disada, sakabeh siswa balubar sakola. Ngan Naumi teu waka balik kusabab Naumi horeameun diimah. Kaluar ti kelasna, Naumi indit ka kelas musik. Didinya Naumi lainna latihan nyanyi, atawa dance (nari) jeung lain oge latihan ngamaenkeun alat musik tapi kalah maca buku.

Serelek , aya sora nu muka panto, pek teh si Insan. Insan langsung ngomong ka Naumi “ Maca buku diperpus, lain di kelas musik !”. Naumi ngajawab “ Nya terserah atuh, nu macana ge Naumi lain a Insan”. “Tapi, abdi bade latihan dance, jadi bisa pan kaluar ?!” bales insan. Terus si Naumi ngajeawab deui “ Nya Muhun ok !”. Karek ge sababaraha lengkah kaluar si Naumi balik deui, terus nempokeun Insan latihan. “Ih, kasep-kasep tapina jutek, cuek deuih”, Ceuk Naumi dina jero hatena sa bari sura seri sorangan.

Saenggeus kitu, si Insan kabeneran ngalieuk jeung ningali si Naumi balik deui, si Insan langsung ngomong “ Lainna arek kaluar? “, sabari mimik muka anu jutek. Si Naumi reuwaseun “muhun a “ sabari lumpat buru-buru kaluar.

Geus kaluar ti kelas eta Naumi nuluykeun macana dina bangku hareupeun kelas eta. Kira-kira geus 2 jam an Naumi maca buku, kaluar si Insan ti kelas eta ku sabab da geus beres latihanna. Pas kaluar si Insan ningali ka gigireunna aya Naumi keur maca buku dina korsi hareupeun kelas eta. Insan nanya ka Naumi

Insan : “ Naha can uih?”

Naumi : “teu acan a”
Insan : “bade sareng moal uih na ?”
          Naumi rada olohok ka si Insan, ku sabab aneheun da tadi na cuek jadi ujug-ujug bageur ngajak balik bareng.
Naumi : “ emmm ... Mangga a hayu”
          Naumi jeung Insan balik bareng, Pas dekeut gerbang si Insan ningalieun si Keyla aya di hareupeun gerbang. Insan ge ujug-ujug jadi Cuek,jutek deui si Naumi. Si Insan ge langsung ninggalkeun Naumi, Naumi ge jadi ngutruk deui sorangan “Ih, dasar Mr. Cuek, jutek, raja Singa ! can ge nepi ka gerbang geus jutek deui, aneh !”.
          Saenggeus jauh ti Naumi, datang mobil si Keyla pas digerbang Insan jeung Keya papanggih tuluy keyla ngajak Insan balik bareng. Insan jeung Keyla naek kana mobil na tapi si Naumi ningalikeun sabari bete. Sapaparak jalan si Naumi baeud wae da keseleun ka si Insan “ Ih dasar !, tadi ngajak balik bareng ehhh kalah bareng na jeung si Keyla”, ceuk Naumi.

Isuk-isuk anu cerah sacerah hate na si Naumi, poe eta pas dijalan Naumi papanggih jeung si Insan. Tapi Naumi aneheun soalna ieu geus jam 07 kurang 2 menit, pas ningali si Naumi si Insan langsung indit bakating ku era sabab ka berangan. Naumi ngagoroan ka Insan “ a.. a... a Insan ! .. a.... “ tapi si Insan ngalieuk hungkul sabari lulumpatan saol na sakedeng deui bel.
“ aa.... INSAN !” Naumi kaceplosan kusabab dicuekeun wae, Insan langsung cicing, Naumi olohok. Terus Insan nyamperkeun Naumi langsung ngomong “ Heh ayam, tingali jam !” Naumi ngajawab “ jam 7 a “ Insan ngambek “ Ih .... ! berarti geus kaberangan, malah ngagoroan”. “Nya Maaf a” Naumi ngarasa salah. Insan ngomong deui “Lumpat ! “ “Hah?” Naumi reuwas. Insan langsung ngabetot Naumi diajak lumpat ku Insan.

Nepi we di gerbang, pek teh gerbangna di tutup. Pas dibukakeun ku satpam, Maraneh na langsung ka lapang. Didinya Insan jeung Naumi dihukum babarengan, Naumi bagja kusabab Insan nu biasana ngahukum jadi dihukum. Pas ditangtungkeun dilapang, Naumi kalaklah s3 ( sura seri sorangan ). “aya nya nu dihukum tapi siga nu atoh”, Insan nyindiran ka si Naumi. Naumi seri sabari ngomong “ Hehe nya da dihukumna oge sareng jeung nu sok ngahukum” Insan ngajawab “ Maksud ?????” Naumi ngajawab deui “ eh henteu a :D” Insan langsung bete. Saenggeus beres dihukum, Maranehna langsung ka kelas na masing-masing.

“TENG.... TENG.. TENG.....” bel istirahat. Siga biasana Naumi sok ka kantin jeung babaturanna, pas dikantin Naumi calik sabari mesen emameun. Terus aya lalaki mawa dua mangkok mie jeung dua cangkir es jeruk, Jelema na kasep jeung kalem. Naumi sura seri ka jelema eta soalna eta teh a agga anu dipika resep ku Naumi. Didinya keneh Naumi olohok ningalikeun si Agga “aduh keur emam ge masih keneh kaseeeeeeeeeeeeeeeeeeeeeeeeeeeeeeeeep”. Gek weh aya nu diuk gigireun si Agga, pek teh nu diuk eta teh si Mr. Jutek .”Ih ngaganggu wae pemandangan nya dasar !”, langsung we si Naumi indit ka kelasna.

Pas waktuna bubar, si Naumi masih keneh di kelas musik. Didinya Naumi latihan nyanyi sorangan, sora Naumi kacida alusna. Pek teh Insan ngaliwat ka kelas eta ngadangueun sora anu kacida alusna, Insan panasaran saha anu nyanyi eta. Pas ningali kanu kaca “Hah ?! ayam ?! “ Insan teu percayaeun “beneran eta teh si ayam petok-petok ?! alus oge sorana tapi hanjakal kurang disiplin “, Indit weh si Insan teh da babaturanna geus ngadagoan diparkiran.

Geus beres latihanna Naumi ge langsung uih ka bumina, di papagkeun ku bapana. Pas nepi di bumina, Naumi langsung ka kamar siga biasana curhat dina buku diaryna. Tapi pas keur nulis kabayang-bayang wae si Insan, “ih naon sih inget wae ka si Mr. Jutek ! L, Aha ! mening muka facebook ayeuna mah”. Pas keur muka facebook Naumi ujug-ujug neangan fecebook si Insan. Geus ka panggih facebook na si Insan, Naumi ngomong “Nahanya kudu si ieu nu di add ? tapi baelah da kasep” Terus Naumi ningalian fotona Insan bari jeung ngomong “Kasep oge geuningan ngan hanjakal jutek na CETAR MEMBAHANA, tapi bae we ah arek di add”.
Pere sakola poe anu pang bagjana keur si Naumi “ asikkkk pere teu ka sakola yes yes yes “ sabari jojogedan ayam petok-petok. “ah ayeuna mah tinggal jalan-jalan mengpeung isuk keneh, sasapedhan ah hoream cicing di imah mah”. Naumi indit naek sapedah sabari ngadangukeun lagu .

          “la la la la la “ Naumi nyanyi sabari bahagia. Ku sabab bahagia teuing Naumi nepikeun ka teu fokus ningali jalan, Gubrag “Awwwww” Naumi labuh ti na sapedahna. Si Naumi ceurik disisi jalan, jol Insan “butuh bantuan?” Naumi ningali “mmpppp... nya a”, Insan dongko “yu ?”. Naumi aneheun “hayu naek !” ceuk Insan teh. “Di akod a?” Naumi heran, “nya hayu” ceuk Insan. Di akod we Naumi teh ku Insan nepikeun ka imahna, Insan ngobatan lukana si Naumi. Didinya Naumi jadi resep ka Insan. “nuhun a, tos ngabantosan Naumi” ceuk Naumi ka Insan. Insan ngajawab “hah ?!”, “nuhun a ceuk Naumi teh, “Yups” ceuk Insan.
          “Mudah-mudahan isuk si Insan Kabeuragan deui meh papanggih deui dijalan, soalna hayag buru-buru ningali a Insan” Naumi ngomong sorangan di kamarna. “Kring ... kring... kring.... sora alarm disada, Si Naumi ningali alarm pek teh “Hah jam 06.00, aduuuuuuuuuuuuuuuuuuuuuh bisa-bisa kabeurangan deui ! “ Naumi buru-buru mandi jeung siap-siap rek kasakola.
          Pas nepi di sakola, teng..... teng.... teng... teng.... bel asup disada, “Hampi we kabeurangan deui, huhhh ” ceuk Naumi. Plak weh aya nu nempel keun kertas, Naumi ngalieuk “eh, ieu pan teu kaberangan a ?!” ceuk Naumi ka Insan teh. “Tapi masih diluar gerbang pan ?!” ceuk Insan teh. “Tapi kan tos dugi “, ceuk Naumi . “Tapi anggeur kan di luar sakola ?! yeuh surat katerangan kaberanganna” ceuk Insan. Ku Naumi dibawa langsung asup we ka jero, ka lapang rek di hukum. “Ihhh, hanas cape buru-buru lulumpatan, ehhh anggeur-anggeur keneh we dihukum. Tapi aneh aya nya nu kawas si Insan, kamari bageur ihhhh... ayeuna kitu jutek deui, curiga ti lahir n keneh geus jutek !” ceuk Numi ngomong sorangan.

Pas istirahat di mading sakola aya pengumuman lomba nyanyi, lomba na teh bisa solo (sorangan), group jeung sajabana. Si Naumi aneheun soalna aya nu keur ngumpul “aya naon nya???? Ningali ah” si Naumi teh susuluduk “oh lomba nyanyi, sugan teh aja Justin Bieber jeung Greysonnrek konser’
Naumi indit we ka perpustakaan. Terus si Insan, Agga, jeung faris, ceuk insan “ Ngiluan yu ? urang ngajieun group , sugan we meunang”, Si Agga jeung faris satujueun we ka usul si Insan.
Sakola geus bubar, si Naumi ningalieun Insan jeung babaturanna keur latihan tea jeung lomba. “Ih Agga ..... eh, eh, eh Insan ngiluan teunya ? Tapi... naha jadi ka Insan aneh da” . Si Naumi ngomong. Pas enggeus nepi di imahna Naumi, si Naumi dikamar na, keur mikirkeun si Insan “ aduuuuh dasar Naumi.... sabenerna reser teh kasaha? Ka insan atawa ka agga ?
ahhhhhhhhhhhhhh bingung ahhhh neangan informasi ngiluan lomba atau henteu nya si Insan ? “ Naumi nanya ksorangan.

Isuk na di sakola, Naumi neneangan informasi soalna rek mastikeun si Insan ngiluan atawa henteu. “oh he,eh nya, ningali datana we ah ka ruang guru, api-api rek daftar”.
Di ruang guru, Naumi ningali daftarna neangan ngaran si Insan “mana nya ????” si Naumi terus neangan “ tah,! Aya geuningan ngiluan kana grup Agga saputra, aqil al-faris wesssss anu kararece hungkul ... ! mantapppp .. eh eh eh ke hela, Naha si Keyla ge aya ngiluan ? be lah .... ah ngiluan ah ... sugan we meunang”. Naumi ngadaftarkeun dirina ngiluan solo, pas di tangga arek ka kelasna Naumi paamprok jeung Insan. “ye .. ye... ye... ye... ye.. ye... Hah. Insan , aduh gempeur “ ceuk Naumi teh. Pas si Insanna ngaliwat ekspresina teh biasa wae, tapi Insan teh balik deui, si Naumi arek indit teu jdi da ningali insan balik deui.

“Lah naha balik deui ka arah Naumi deuih “ si Naumi sabari sura seuri. Terus si Insan na teh seuri. Pas diharepeun si Naumi, si Naumi na teh dicuekkeun. “eh, Naha ? Naha diliwat ?” Naumi aneheun. Padahal mah si Insan teh arek nyampeekeun si Keyla, tapi samarukna Naumi mah rek nyamperkeun Naumi “ Ih sugan teh, Hanas geus Ge er ........... ih sebel”, Naumi langsung bete, Langsung sedih.

Pas balikna si Insan ningali jeung ngadangu deui sora si Naumi keur nyanyi, “ sora alus, geulis deuih tapi mineng dihukum, karunya geulis-geulis, eh naha jadi mikirkeun budak eta, iuuuuuuuuh gilla :D “ ceuk si Insan teh. Geus kitu Insan langsung balik, disapaparak jalan Insan terus mikiran si Naumi, wajahna teh kabyang-bayang wae “ Aduh, naha sih make kudu aya si eta dina pikiran ieu”, ceuk Insan deui.

Poe demi poe, Mingggu demi minggu. Ahirna lomba eta dilaksanakeun, lomba eta dilaksanakeun di salah sahiji Universitas . Naumi kabagean No. 10, sedengkeun grup na Insan kabagean no. 8.

“Aduh dag dig dug”, Naumi deg-degan kusabab karak mimiti ngiluan lomba. Disisi lain grup Insan nu bagean tampil .

“Urang kudu bisa oke !!! go go go “ ceuk Insan ka Agga jeung Faris teh, terus ngaran grup Insan nyaeta ‘fire and the air’. Pas keur tampil, Naumi ningali Insan meuni ka henteu ngiceup-ngiceup “ Ih...... kasep ! “ceuk Naumi teh. “keren”. Terus si Naumi siap-siap . “ emmmmh grup Insan ge alus, jadi Naumi ge kudu leuwih alus ti grup Insan ! ayo semangat Naumi” ceuk Naumi ka diirina sorangan. Pas geus beres peserta no.8, terus bagean si Keyla nyaeta peserta No. 9, si Keyla nyanyi solo. Geus beres si keyla, ayeuna bagen Naumi tampil. Pas tampil di panggung, Insan ka hipnotis ku sora na Naumi nu kacida alusna. Insan terus-terusan ningalikeun si Naumi, “itu teh si Ayam, keur mah geulis sora na alus deuih” ceuk Insan.

Saenggeus sakabeh peserta tampil, ayeuna bagean pembagian hadiah jeung pangumuman nu jadi juarana.
Dimimitian ku harapan 3 dimenang keun ku batur, harapan 2 ge ku batur, harapan 1 ge ku batur “ aduhmudah-mudahan Naumi sing menang jadi juara, Amiin” ceuk Naumi. “Juara 3 di menagkeun ku ........... Keyla ti SMK SCHOOL MUSIC INTERNATIONAL Bandung, Juara 2 di menangkeun ku Naumi ti SMK SCHOOL MUSIC INTERNATIONAL Bandung, Juara 1 di menangkeun ku grup Fire and the Air ti SMK SCHOOL MUSIC INTERNATIONAL Bandung, “ ku panitia diumumkeunna. Boro mah Naumi geus deg-degan sieu teu jadi juara padahal jadi juara 2, “ Bisa oge ngelehkeun si Keyla, hebat Naumi selamat nya selamat “ ceuk Insan ka Naumi. Juara Favorit di menangkeun deui ku SMK SCHOOL MUSIC INTERNATIONAL Bandung “horeeeeeeeeeee !!!!” ceuk Keyla, Naumi, Insan, Agga, jeung Faris.
Isuk – isuk anu cerah sacerah hate na Naumi jeung Insan. Pas nepi ka gerbang “Selamat nya selamat “ ceuk Insan ka Naumi, “Selamat naon a? “ jawab Naumi. “Selamat kamari lomba juara” ceuk Insan deui “ oh muhun a ... Selamat oge nya aa menang 2 piala” jawab Naumi deui. “ Enya, enya, Kamu hebat bisa ngelehkeun si Keyla” ceuk Insan teh. Naumi seuri bari jeung ngajawab “ Nya a, abi ge teu nyangka. “ eh... eh.. eh.. Ngfalanggar deui peraturan!” ceuk Inan teh. “Naha a ? da kan teu kasianagan atuh “ Naumi aneheun, “ Nya teu kasingan, tapi kasakola dilarang make sendal capit ! haha “ Insan mere surat katerangan ngalanggar peraturan bari jeung seseurian. Naumi ge karak nyadareun yen maneh na ka sakola make sendal capit kusabab buru-buru da sieun kaberangan deui. “Hah ? Ih ngerakeun “ Naumi rewas bari jeung era.

Saenggeus kitu, Naumi langsung asup ka kelas. Pas keur diajar, murid anu ngiluan lomba tea heug menang di panggil jeung dikumpulkeun di kelas musik, Naumi murid hiji-hiji na ti kelas X anu menang di lomba eta. Keur di kelas musik murid – murid nu dipanggil tadi dibere pngarahan ti guru musik, yen engke pas acara ulang taun sakola ieu rek ditampilkeun. Insan nyanyi jeung grup na, keyla nyanyi solo, jeung Naumi ge nyanyi solo. Tapi guruna ngusulkeun deui yen Naumi jeung Insan nyanyi na jadi dua kali, mimiti nyanyi masing-masing, nu kadua Insan jeung Naumi nyayi duaan ( duet ). “oh NO ! maenya duet jeung si Ayam petok-petok ?”, ceuk Insan teh.

Unggal balik sakola, murid-murid nu tadi teh pada latihan nyanyi, dance ( nari ), jeung paduan suara. Saenggeus lalatihan, kabeh baralik ngan Naumi jeung Insan hungkul nu can balik kusabab teu kompak wae, jadi weh dititah latihan tikakeun kompk. “Gara-gara dititah duet jadi weh lila, Nya teu kompak wae deui “, ceuk Insan teh. “Nya punten a” ceuk Naumi.

Unggal poe sabalik sakola murid eta lalatihan, tapi anggeur Naumi jeung Insan mah tara kompak, jeung teu ngahayati lagu. Pas minggu, Insan datang ka imah na Naumi, “Lah, a Insan ? Bade aya naon a tumben ka bumi Naumi ?” ceuk Naumi ka Insan, “Rek ngajak indit” jawab Insan. Naumi aneheun bari jeung atoh diajak Indit ku Insan. “Tapi tong salah sangka, ngajak indiit teh ngan arek ngajak latihan hungkul.” Ceuk Insan ka Naumi. Si Naumi ngomong dina jero hatena “ih sugan teh arek ngajak jalan-jalan, boro mah geus ka ge er an”.

          Insan jeung Naumi ge indit ka sakola, satepi na di sakola nu latihan teh ngan Naumi jeung Insan hungul. “a, Naha ngan duaan nu latihanna ?” ceuk Naumi ka Insan. Insan ngajawab “soalna can kompak mi, era ti kamari batur mah karompak”. Latihan ge dimulai, Insan jeung Naumi emang geus alus, geus kompak ayeuna mah. Ngan tinggal penghayatan laguna hungkul nu can alus.
          Anggeur unggal balik sakola anu kapilih jeung ngisi acara ulang taun sakola tea lalatihan, nepi ka unggal pere sakola oge Naumi jeung Insan mah sok latihan d penghayatan lagu na kurang kusabab mineng papanggih jeung mineng babarengan Insan jadi boga rasa ka Naumi, ku kituna Naumi jeung Insan jadi pa resep-resep.
          Keur disakola, pas istirahat di kantin aya si Naumi, Insan ningali Naumi maneh na ge jadi salah tingkah, kieu salah kitu salah bakating resep ka si Naumi tapi gengsi. Gempeur, bingung, siga nukeur ujian Nasional wae “please... please... please.. Insan kunaon sih jadi kieu ?” nanya kadirina sorangan.

          Teng ... teng.. teng.... bel asup disada, Naumi jeung nu sejenna arasup ka kelas na masing-masing. Geus diajar lila bel bubar sakola ge disada Teng.... teng... teng.... murid –murid balubar sakola.
          Saenggeus latihan terus-terusan, ahirna ulang taun sakola ge dilaksanakeun. Kusabab sakolana sakola musik, terkenal loba bingang tamu nu nyanyi. Pas beres bintang tamu nyanyi ayeuna giliran murid-murid pilihan tea. Anu mimiti nyanyi teh nyaeta si Keyla terus si Naumi, dituluykeun ku grup na Insan tea, paneri nyaeta duet antara Naumi jeung Insan. Pas Naumi nyanyi jeung Insan, Kabeh pada olohok jempling kabawa suasana. Naumi jeung Insan nyanyi alus pisan, si Keyla jadi kesel kusabab Naumi jeung Insa duetna alus siga anu geus biasa tampil duaan.
          Pas beres nyanyi, ditukangeun panggung Insan nyegat si Naumi jeung langsung ngungkapkeun isi hatena yen si Insan teh bogoheun ka si Naumi, Naumi ge bogoheun ka Insan. Ahirna Insan jeung Naumi teh jadian ( bobogohan ), tapi anggeur mun Naumi kaberangan Insan sok ngahukum Naumi siga biasana. Jam 07.15 Naumi karak datang, “maaf telat” ceuk Naumi, ku Insan teu dijawab “ih, jawab atuh” ceuk Naumi deui “Nya lah da tos biasa” ceuk Insan teh, Naumi tuluy asup ka kelas. Pas istirahat Insan jeung Naumi ka kantin, eta nu duaan jadi bahan perhatian sasakola eta kusabab pasangan anu dinilai cocok pisan jeung serasi, kamana-mana duaan eweuh nu bisa misahkeun.

          Dihiji acara sakola, grup Fire and the air tampil deui, teu katinggaleun oge Insan jeung Naumi duet nyanyi bari jeung ngadance, pas keur nyanyi aya saorang anu gawe na jadi produser resepeun ka grup na Insan ‘Fire And The Air’ tea. Tidinya grup eta teh dititah tampil jeung tidinya oge eta grup teh jadi diproduseran ku eta produser. Saprak diproduseran ku eta produser grupna teh jadi terkenal, sok tampil diacara-acara penting.
          Tapi gara-gara eta oge komunikasi Insan jeung Naumi teu cara biasana, jadi jarang komunikasian. Dina hiji waktu pas disakola Insan ngajak Naumi latihan vokal bareng di kelas musik “Latihan vokal yuuuu ? “ Insan ngajak Naumi. “alim ah” Naumi nolak ajakan Insan. Insan ge aneheun “Naha ? Ngambek nya ?” “henteu” ceuk Naumi, “kunaon atuh ? “ Insan anggeur kene heraneun Naha si Naumi bet jadi jutek kitu. Naumi ngajawab “ Sorana toas alus :D “ Naumi meuni pede nyarios kitu, padahal keur ngaheureuyan si Insan hungkul. “Dasar Ayam, hayu atuh !!!” ajakan Insan ka Naumi bari metot panangan si Naumi, “Nya atuh aa hayu... J “ Naumi ge daekeun diajak latihan vokal ku Insan.
          Kaisukanana balik sakola Insan ngajak Naumi uih bareng, pas Naumi ngatosan di gerbang si Insan teu aya wae “Kamana nya nu ngajak uih bareng teh ? “ ceuk Naumi bari jeung kesel. 5 menit, 10 menit, 1 jam si Insan can aya wae, Naumi geus keseleun nungguannana ge. Pek si Insan teh latihan jeung grupna, pohoeun teu ngabejaan si Naumi. Pas si Insan balik, ingeteun yen arek balik bareng jeung si Naumi. Berebet lumpat weh si Insan teh ka gerbang, pas di gerbang si Naumi na geus eweuh “Pasti ngadagoan lila ceuk Insan teh, pas muka HP pek teh sms jeung panggilan tak teerjawab hungkul ti si Naumi. “Tuh kan, kumaha nya ?!” Insan bingungeun kusabab si Naumi na bisi baeud. Insan langsung indit we balik da si Naumi na ge geus balik, di imah na Insan langsung muka facebook pas-pasan si Naumi keur ol ( online ), langsung we Insan teh ngainbox ka si Naumi “ Puntennya tadi teu cios ui bareng jeung tos ngantosan lami pisan”. Si Naumi teu ngabaleusan, Insan tutuluyan ngainbox si Naumi tapi anggeur teu dibaleusan.

Isuk na disakola, Insan datang ka kelasna si Naumi “ Maaf nya kamari teh latihan ngadadak, hilap deui teu masihan terang “ ceuk Insan teh ka Naumi. “ Nya” Naumi ngajawab singkat padat jeung teu jelas, Insan nanya deui “teu ngambeuk pan ?” Naumi ngajawab deui “henteu” Insan nyarios “cius? J “ ceuk Insan teh “leres da” bari jeung sabener na Naumi kesel keneh “Uih na bareng nya “ Insan ngajak ka Naumi deui “ Nya tapi tong siga kamari deui J “ Naumi narima ajakan Insan “Iya siap ayam “ jawab Insan.

          Uih sakola, Naumi ngantosan Insan deui di gerbang. Jol Insan “Hai, tos lami ngantosan ?” Naumi ngajawab “ henteu a” “ka kelas musik heula we yu ? aya nu bade aa carioskeun” ceuk Insan. Naumi nyarios dijero hatena “wah, kumaha lamun ngajak putus , ahhhhh .. L !” poko na mh geus negative thingking we Naumi teh “hayu” jawab Naumi.
          Pas dikelas musik, Insan mawa gitar langsung nyanyi “aya naon ? ongkoh bade nyarios ! “ ceuk Naumi “emang siap ngadangukeunna? “ tanya Insan. Ceuk Naumi dina jero hatena “tuh pan !!!!!” “siap? Sedih eung yarioskeunna ! “ ceuk Insan teh. “Aya naon kitu? “ Naumi panasaran “Insan bade angkat” ceuk insan . “kamana?” tanya Naumi, Insan ngajawab “ ka Melbourne ”. “HAH ?! haha lucu, bade Naon coba ?” ceuk Naumi. “ih beneran, kan bere beasiswa sakola di Melbourne ku produser “, jawab Insan.
          Suasana jadi saredih, hening. Naumi aneheun “ Naha atuh emng teu tias didieu ? sakola na ?” Naumi nanya bari jeung saredih “ Kan eta mah tos ti dituna atuh sayang “ jawab Insan , Naumi langsung cicing bingung rek ngomong naon.

“Tapi masih bisa komunikasian pan meskipun jauh oge ? pan tos modern aya hp, facebook, twitter, jeung sajabana ” Ceuk Insan ka Naumi “. “Nya” ceuk Naumi bari jeung ramisak rek ceurik-ceurik wae, “bade iraha kadituna ?” Naumi nanya ka Insan “wengi” jawab Insan “Oh nya atuh “ ceuk Naumi. Insan nyarios deui “ Tapi janji da pas Naumi kelas XII Insan uih deui kadieu, bade ngalanjutkeun karir didieu “.
Isukna pas Naumi disakola Insan tos teu aya didinya deui, Naumi kasepian “Karak ge sapoe asa geus lila ih “ ceuk Naumi, eweuh Insan Naumi jadi latihan vokal sorangan. Unggal peuting Naumi chattingan jeung Insan curhat, nyarita sakolana jeung sajabana.
Sababaraha taun ka hareup, Pas Naumi kelas XII insan tara aya kabar, padahal pas acara perpisahan naumi hayang Insan jeung grup na aya nyumbangkeun lagu “Kamana wae nya Insan, padahal janjina mun Naumi kelas XII bade uih deui kadieu “ ceuk Naumi dina jero hatena. Unggal-unggal keur facebookan Naumi sok ngainbox ka Insan tapi tara dibalesan.

Perpisahan ge dilaksanekeun, Naumi hayang si Insan aya. Pas Naumi tampil nyanyi dipanggung nyumbangkeun hiji lagu anu kuduna duet jeung batur, tapi pas nyanyi jadi jeung Insan, Naumi olohok teu percayaeun. Pas beres nyanyi Naumi langsung cicing, baeud, jamotrot lin atoh aya Insan balik deuikadieu teh (padahal dina jero hatena mah bagja pisan). “Hai, lami nya teu papendak?” ceuk Insan teh. Tapi Naumi teu dijawab. Insan nanya “kunaon? Insan pan geus datang, janji na ditepati teu jalir” Naumi ngajawab “Nya sih, tapi kamana wae kamari-kamari teu aya kabar ?” Insan ngajawab “Nya maaf, Insan teh sibuk sayang” ceuk Insan ka Naumi “Tapi ayeuna mah bade didieu moal kaditu deui, bade ngalanjutkeun karir didieu” Lanjut Insan ka Naumi. Terus Naumi ge seuri deui ngadangu kabar eta “Beneran ? J “ ceuk Naumi “Enya beneran” ceuk Insan.

Ahirna Insan teu kaditu deui, jadi ngalanjutkeun kuliahna di Bandung bareng deui jeung Naumi. Insan jeung Naumi ge hirup bagja sasareungan.

RENGSE

Biodata Penulis

X-R8

SMK INFORMATIKA SUMEDANG

Wasta : Intan Desty Desiyani

TTL : Sumedang, 4 Des 1996

Alamat : Link. Angkrek Timur, Rt. 02/16 kel. Situ Kec. Sumedang Utara

Kab. Sumedang

E-mail :

Intandestydesiyani@gmail.com

Blog : Iddesiyani.blogspot.com Facebook : Intandesty.desiyani

Wasta : Shinta Saadah

TTL : Garut, 19 November 96

Alamat : Dsn.Cibenda Rt. 02/04 Ds. Girimukti Kec.Sumedang Utara

Kab. Sumedang

E-mail :

Shintasaadah@gmail.com

Blog : Ssshinta.blogspot.com Facebook :-------------------

CARITA PONDOK (CARPON)

Label

About Me